گو مرے دل کے زخم ذاتی ہیں

گو مرے دل کے زخم ذاتی ہیں

ان کی ٹیسیں تو کائناتی ہیں

آدمی شش جہات کا دولہا

وقت کی گردشیں براتی ہیں

فیصلے کر رہے ہیں عرش نشیں

آفتیں آدمی پہ آتی ہیں

کلیاں کس دور کے تصور میں

خون ہوتے ہی مسکراتی ہیں

تیرے وعدے ہوں جن کے شامل حال

وہ امنگیں کہاں سماتی ہیں

go mire dil ke zakhm zati hain

un ki tisen to kainati hain

admi shash jihat ka dolaha

waqt ki gardishen barati hain

faisle kar rahe hain arsh nashin

afaten admi pe ati hain

kaliyan kis daur ke tasawwur mein

khun hote hi muskurati hain

tere waade hun jin ke shamil-e-hal

wo umangen kahan samiti hain