تنگ آ جاتے ہیں دریا جو کہستانوں میں

تنگ آ جاتے ہیں دریا جو کہستانوں میں

سانس لینے کو نکل جاتے ہیں میدانوں میں

خیر ہو دشت نوردان محبت کی اب

شہر بستے چلے جاتے ہیں بیابانوں میں

اب تو لے لیتا ہے باطن سے یہی کام جنوں

نظر آتے نہیں اب چاک گریبانوں میں

مال چوری کا جو تقسیم کیا چوروں نے

نصف تو بٹ گیا بستی کے نگہبانوں میں

کون تاریخ کے اس صدق کو جھٹلائے گا

خیر و شر دونوں مقید رہے زندانوں میں

جستجو کا کوئی انجام تو ظاہر ہو ندیمؔ

اک مسلماں تو نظر آئے مسلمانوں میں

tang a jate hain dariya jo kuhistanon mein

sans lene ko nikal jate hain maidanon mein

khair ho dasht nawardan mohabbat ki ab

shahr baste chale jate hain bayabanon mein

ab to le leta hai batin se yahi kam junun

nazar ate nahin ab chak garebanon mein

mal chori ka jo taqsim kiya choron ne

nisf to bat gaya basti ke nigahbanon mein

kaun tarikh ke is sidq ko jhutlaega

khair-o-shar donon muqayyad rahe zindanon mein

justuju ka koi anjam to zahir ho nadim

ik musalman to nazar ae musalmanon mein