ہمیشہ ظلم کے منظر ہمیں دکھائے گئے

ہمیشہ ظلم کے منظر ہمیں دکھائے گئے

پہاڑ توڑے گئے اور محل بنائے گئے

طلوع صبح کی افواہ اتنی عام ہوئی

کہ نصف شب کو گھروں کے دیے بجھائے گئے

اب ایک بار تو قدرت جواب دہ ٹھہرے

ہزار بار ہم انسان آزمائے گئے

فلک کا طنطنہ بھی ٹوٹ کر زمیں پہ گرا

ستون ایک گھروندے کے جب گرائے گئے

تری خدائی میں شامل اگر نشیب بھی ہیں

تو پھر کلیم سر طور کیوں بلائے گئے

یہ آسماں تھے کہ آئینے تھے خلاؤں میں

مہہ‌ و نجوم میں جھانکا تو ہم ہی پائے گئے

دراز شب میں کوئی اپنا ہم سفر ہی نہ تھا

مگر ندیمؔ صدائیں تو ہم لگائے گئے

hamesha zulm ke manzar hamen dikhae gae

pahar tore gae aur mahal banae gae

tulu-e-subh ki afwah itni am hui

ke nisf-e-shab ko gharon ke diye bujhae gae

ab ek bar to qudrat jawab-e-da thahre

hazar bar ham insan azmae gae

falak ka tantana bhi tut kar zamin pe gira

sutun ek gharaunde ke jab girae gae

tiri khudai mein shamil agar nasheb bhi hain

to phir kalim-e-sar tur kyun bulae gae

ye asman the ke aine the khalaon mein

maha-o-nujum mein jhanka to ham hi pae gae

daraz shab mein koi apna ham safar hi na tha

magar nadim sadaen to ham lagae gae