شام کو صبح چمن یاد آئی

شام کو صبح چمن یاد آئی

کس کی خوشبوئے بدن یاد آئی

جب خیالوں میں کوئی موڑ آیا

تیرے گیسو کی شکن یاد آئی

یاد آئے ترے پیکر کے خطوط

اپنی کوتاہیٔ فن یاد آئی

چاند جب دور افق پر ڈوبا

تیرے لہجے کی تھکن یاد آئی

دن شعاعوں سے الجھتے گزرا

رات آئی تو کرن یاد آئی

sham ko subh-e-chaman yad ai

kis ki khushbu-e-badan yad ai

jab khayalon mein koi mor aya

tere gesu ki shikan yad ai

yad ae tire paikar ke khutut

apni kotahi-e-fan yad ai

chand jab dur ufuq par duba

tere lahje ki thakan yad ai

din shuaon se ulajhte guzra

rat ai to kiran yad ai