جو لوگ دشمن جاں تھے وہی سہارے تھے

جو لوگ دشمن جاں تھے وہی سہارے تھے

منافعے تھے محبت میں نے خسارے تھے

حضور شاہ بس اتنا ہی عرض کرنا ہے

جو اختیار تمہارے تھے حق ہمارے تھے

یہ اور بات بہاریں گریز پا نکلیں

گلوں کے ہم نے تو صدقے بہت اتارے تھے

خدا کرے کہ تری عمر میں گنے جائیں

وہ دن جو ہم نے ترے ہجر میں گزارے تھے

اب اذن ہو تو تری زلف میں پرو دیں پھول

کہ آسماں کے ستارے تو استعارے تھے

قریب آئے تو ہر گل تھا خانۂ زنبور

ندیمؔ دور کے منظر تو پیارے پیارے تھے

jo log dushman-e-jan the wahi sahare the

munafae the mohabbat main ne khasare the

huzur-e-shah bas itna hi arz karna hai

jo ikhtiyar tumhare the haq hamare the

ye aur bat baharen gurez pa niklen

gulon ke ham ne to sadqe bahut utare the

khuda kare ke tiri umr mein gine jaen

wo din jo ham ne tire hijr mein guzare the

ab izn ho to tiri zulf mein piro den phul

ke asman ke sitare to istiare the

qarib ae to har gul tha khana-e-zambur

nadim dur ke manzar to pyare pyare the