فاصلے کے معنی کا کیوں فریب کھاتے ہو

فاصلے کے معنی کا کیوں فریب کھاتے ہو

جتنے دور جاتے ہو اتنے پاس آتے ہو

رات ٹوٹ پڑتی ہے جب سکوت زنداں پر

تم مرے خیالوں میں چھپ کے گنگناتے ہو

میری خلوت غم کے آہنی دریچوں پر

اپنی مسکراہٹ کی مشعلیں جلاتے ہو

جب تنی سلاخوں سے جھانکتی ہے تنہائی

دل کی طرح پہلو سے لگ کے بیٹھ جاتے ہو

تم مرے ارادوں کے ڈولتے ستاروں کو

یاس کے خلاؤں میں راستہ دکھاتے ہو

کتنے یاد آتے ہو پوچھتے ہو کیوں مجھ سے

جتنا یاد کرتے ہو اتنے یاد آتے ہو

fasle ke maani ka kyun fareb khate ho

jitne dur jate ho itne pas ate ho

rat tut parti hai jab sukut-e-zindan par

tum mire khayalon mein chhup ke gungunate ho

meri khalwat-e-gham ke ahani darichon par

apni muskurahat ki mashlen jalate ho

jab tani salakhon se jhankti hai tanhai

dil ki tarah pahlu se lag ke baith jate ho

tum mire iradon ke dolte sitaron ko

yas ke khalaon mein rasta dikhate ho

kitne yad ate ho puchhte ho kyun mujh se

jitna yad karte ho itne yad ate ho