قلم دل میں ڈبویا جا رہا ہے

قلم دل میں ڈبویا جا رہا ہے

نیا منشور لکھا جا رہا ہے

میں کشتی میں اکیلا تو نہیں ہوں

مرے ہم راہ دریا جا رہا ہے

سلامی کو جھکے جاتے ہیں اشجار

ہوا کا ایک جھونکا جا رہا ہے

مسافر ہی مسافر ہر طرف ہیں

مگر ہر شخص تنہا جا رہا ہے

میں اک انساں ہوں یا سارا جہاں ہوں

بگولہ ہے کہ صحرا جا رہا ہے

ندیمؔ اب آمد آمد ہے سحر کی

ستاروں کو بجھایا جا رہا ہے

qalam dil mein duboya ja raha hai

naya manshur likha ja raha hai

main kashti mein akela to nahin hun

mire ham rah dariya ja raha hai

salami ko jhuke jate hain ashjar

hawa ka ek jhonka ja raha hai

musafir hi musafir har taraf hain

magar har shakhs tanha ja raha hai

main ik insan hun ya sara jahan hun

bagula hai ke sahra ja raha hai

nadim ab amad amad hai sahar ki

sitaron ko bujhaya ja raha hai