جب ترا حکم ملا ترک محبت کر دی
Ahmad Nadeem Qasmi (1916–2006)جب ترا حکم ملا ترک محبت کر دی
دل مگر اس پہ وہ دھڑکا کہ قیامت کر دی
تجھ سے کس طرح میں اظہار تمنا کرتا
لفظ سوجھا تو معانی نے بغاوت کر دی
میں تو سمجھا تھا کہ لوٹ آتے ہیں جانے والے
تو نے جا کر تو جدائی مری قسمت کر دی
تجھ کو پوجا ہے کہ اصنام پرستی کی ہے
میں نے وحدت کے مفاہیم کی کثرت کر دی
مجھ کو دشمن کے ارادوں پہ بھی پیار آتا ہے
تری الفت نے محبت مری عادت کر دی
پوچھ بیٹھا ہوں میں تجھ سے ترے کوچے کا پتہ
تیرے حالات نے کیسی تری صورت کر دی
کیا ترا جسم ترے حسن کی حدت میں جلا
راکھ کس نے تری سونے کی سی رنگت کر دی
jab tira hukm mila tark-e-mohabbat kar di
dil magar us pe wo dharka ke qayamat kar di
tujh se kis tarah main izhar-e-tamanna karta
lafz sujha to maani ne baghawat kar di
main to samjha tha ke laut ate hain jane wale
tu ne ja kar to judai miri qismat kar di
tujh ko puja hai ke asnam parasti ki hai
main ne wahdat ke mafahim ki kasrat kar di
mujh ko dushman ke iradon pe bhi pyar ata hai
tiri ulfat ne mohabbat miri adat kar di
puchh baitha hun main tujh se tire kuche ka pata
tere halat ne kaisi tiri surat kar di
kya tira jism tire husn ki hiddat mein jala
rakh kis ne tiri sone ki si rangat kar di