جو غیر تھے وہ اسی بات پر ہمارے ہوئے

جو غیر تھے وہ اسی بات پر ہمارے ہوئے

کہ ہم سے دوست بہت بے خبر ہمارے ہوئے

کسے خبر وہ محبت تھی یا رقابت تھی

بہت سے لوگ تجھے دیکھ کر ہمارے ہوئے

اب اک ہجوم شکستہ دلاں ہے ساتھ اپنے

جنہیں کوئی نہ ملا ہم سفر ہمارے ہوئے

کسی نے غم تو کسی نے مزاج غم بخشا

سب اپنی اپنی جگہ چارہ گر ہمارے ہوئے

بجھا کے طاق کی شمعیں نہ دیکھ تاروں کو

اسی جنوں میں تو برباد گھر ہمارے ہوئے

وہ اعتماد کہاں سے فرازؔ لائیں گے

کسی کو چھوڑ کے وہ اب اگر ہمارے ہوئے

jo ghair the wo isi bat par hamare hue

ke ham se dost bahut be khabar hamare hue

kise khabar wo mohabbat thi ya raqabat thi

bahut se log tujhe dekh kar hamare hue

ab ik hujum-e-shikasta dalan hai sath apne

jinhen koi na mila ham safar hamare hue

kisi ne gham to kisi ne mizaj-e-gham bakhsha

sab apni apni jagah chara gar hamare hue

bujha ke taq ki shamen na dekh taron ko

isi junun mein to barbad ghar hamare hue

wo etimad kahan se faraz laenge

kisi ko chhor ke wo ab agar hamare hue