میں تو مقتل میں بھی قسمت کا سکندر نکلا

میں تو مقتل میں بھی قسمت کا سکندر نکلا

قرعۂ فال مرے نام کا اکثر نکلا

تھا جنہیں زعم وہ دریا بھی مجھی میں ڈوبے

میں کہ صحرا نظر آتا تھا سمندر نکلا

میں نے اس جان بہاراں کو بہت یاد کیا

جب کوئی پھول مری شاخ ہنر پر نکلا

شہر والوں کی محبت کا میں قائل ہوں مگر

میں نے جس ہاتھ کو چوما وہی خنجر نکلا

تو یہیں ہار گیا ہے مرے بزدل دشمن

مجھ سے تنہا کے مقابل ترا لشکر نکلا

میں کہ صحرائے محبت کا مسافر تھا فرازؔ

ایک جھونکا تھا کہ خوشبو کے سفر پر نکلا

main to maqtal mein bhi qismat ka sikandar nikla

qura-e-fal mire nam ka aksar nikla

tha jinhen zaam wo dariya bhi mujhi mein dube

main ke sahra nazar ata tha samundar nikla

main ne us jan-e-baharan ko bahut yad kiya

jab koi phul miri shakh-e-hunar par nikla

shahr walon ki mohabbat ka main qail hun magar

main ne jis hath ko chuma wahi khanjar nikla

tu yahin har gaya hai mire buzdil dushman

mujh se tanha ke muqabil tira lashkar nikla

main ke sahra-e-mohabbat ka musafir tha faraz

ek jhonka tha ke khushbu ke safar par nikla