تجھے ہے مشق ستم کا ملال ویسے ہی

تجھے ہے مشق ستم کا ملال ویسے ہی

ہماری جان تھی جاں پر وبال ویسے ہی

چلا تھا ذکر زمانے کی بے وفائی کا

سو آ گیا ہے تمہارا خیال ویسے ہی

ہم آ گئے ہیں تہ دام تو نصیب اپنا

وگرنہ اس نے تو پھینکا تھا جال ویسے ہی

میں روکنا ہی نہیں چاہتا تھا وار اس کا

گری نہیں مرے ہاتھوں سے ڈھال ویسے ہی

زمانہ ہم سے بھلا دشمنی تو کیا رکھتا

سو کر گیا ہے ہمیں پائمال ویسے ہی

مجھے بھی شوق نہ تھا داستاں سنانے کا

فرازؔ اس نے بھی پوچھا تھا حال ویسے ہی

tujhe hai mashq-e-sitam ka malal waise hi

hamari jan thi jan par wabal waise hi

chala tha zikr zamane ki be wafai ka

so a gaya hai tumhara khayal waise hi

ham a gae hain tah-e-dam to nasib apna

wagarna us ne to phenka tha jal waise hi

main rokna hi nahin chahta tha war us ka

giri nahin mire hathon se dhal waise hi

zamana ham se bhala dushmani to kya rakhta

so kar gaya hai hamen paimal waise hi

mujhe bhi shauq na tha dastan sunane ka

faraz us ne bhi puchha tha hal waise hi