پھر اسی رہ گزار پر شاید

پھر اسی رہ گزار پر شاید

ہم کبھی مل سکیں مگر شاید

جن کے ہم منتظر رہے ان کو

مل گئے اور ہم سفر شاید

جان پہچان سے بھی کیا ہوگا

پھر بھی اے دوست غور کر شاید

اجنبیت کی دھند چھٹ جائے

چمک اٹھے تری نظر شاید

زندگی بھر لہو رلائے گی

یاد یاران بے خبر شاید

جو بھی بچھڑے وہ کب ملے ہیں فرازؔ

پھر بھی تو انتظار کر شاید

phir isi rah guzar par shayad

ham kabhi mil saken magar shayad

jin ke ham muntazir rahe un ko

mil gae aur ham safar shayad

jan pahchan se bhi kya hoga

phir bhi ai dost ghaur kar shayad

ajnabiyyat ki dhund chhut jae

chamak uthe tiri nazar shayad

zindagi bhar lahu rulaegi

yad yaran-e-be khabar shayad

jo bhi bichhre wo kab mile hain faraz

phir bhi to intizar kar shayad