اب اور کیا کسی سے مراسم بڑھائیں ہم

اب اور کیا کسی سے مراسم بڑھائیں ہم

یہ بھی بہت ہے تجھ کو اگر بھول جائیں ہم

صحرائے زندگی میں کوئی دوسرا نہ تھا

سنتے رہے ہیں آپ ہی اپنی صدائیں ہم

اس زندگی میں اتنی فراغت کسے نصیب

اتنا نہ یاد آ کہ تجھے بھول جائیں ہم

تو اتنی دل زدہ تو نہ تھی اے شب فراق

آ تیرے راستے میں ستارے لٹائیں ہم

وہ لوگ اب کہاں ہیں جو کہتے تھے کل فرازؔ

ہے ہے خدا نہ کردہ تجھے بھی رلائیں ہم

ab aur kiya kisi se marasim barhaen ham

ye bhi bahut hai tujh ko agar bhul jaen ham

sahra-e-zindagi mein koi dusra na tha

sunte rahe hain ap hi apni sadaen ham

is zindagi mein itni faraghat kise nasib

itna na yad a ke tujhe bhul jaen ham

tu itni dil zada to na thi ai shab-e-firaq

a tere raste mein sitare lutaen ham

wo log ab kahan hain jo kahte the kal faraz

hai hai khuda na karda tujhe bhi rulaen ham