جب سے تم نے دے دیا ہے دل کا نذرانہ مجھے

جب سے تم نے دے دیا ہے دل کا نذرانہ مجھے

کہہ رہی ہے ساری دنیا تیرا دیوانہ مجھے

دوستو روکو نہ مجھ کو آ رہا ہوں وجد میں

یاد اک مدت پہ آیا ہے صنم خانہ مجھے

راہ تکتا ہوگا کوئی میرا منزل کے قریب

شب کی تاریکی میں اے دل راہ دکھلانا مجھے

آؤ تنہائی میں چل کر دل کی کچھ باتیں کریں

شہر میں ممکن نہیں مل جائے فرزانہ مجھے

ہوش کی باتیں کروں کیا ہوش باقی ہے کہاں

جب سے تم نے کر دیا ہے اپنا دیوانہ مجھے

شیخ جی چلتے بنے ہیں لے کے عہد ترک مے

رات بھر کوسا کریں گے جام و پیمانہ مجھے

جی میں آتا ہے ظفرؔ میں پھر چمن کو چھوڑ دوں

راس آتا ہے ہمیشہ سے ہی ویرانہ مجھے

jab se tum ne de diya hai dil ka nazrana mujhe

kah rahi hai sari duniya tera diwana mujhe

dosto roko na mujh ko a raha hun wajd mein

yad ik muddat pe aya hai sanam khana mujhe

rah takta hoga koi mera manzil ke qarib

shab ki tariki mein ai dil rah dikhlana mujhe

ao tanhai mein chal kar dil ki kuchh baten karen

shahr mein mumkin nahin mil jae farzana mujhe

hosh ki baten karun kya hosh baqi hai kahan

jab se tum ne kar diya hai apna diwana mujhe

shaikh ji chalte bane hain le ke ahd-e-tark-e-mai

rat bhar kosa karenge jam-o-paimana mujhe

ji mein ata hai zafar mein phir chaman ko chhor dun

ras ata hai hamesha se hi wirana mujhe