جب سے بسا ہے دل میں تری دل کشی کا رنگ

جب سے بسا ہے دل میں تری دل کشی کا رنگ

یک رنگ ہو گیا ہے مری زندگی کا رنگ

اپنوں نے بارہا مجھے غربت میں چھوڑ کر

دیکھا ہے کس خوشی سے مری بے بسی کا رنگ

خود آئنہ میں دل کے مرے جھانک لیجئے

غیروں سے پوچھئے نہ مری عاشقی کا رنگ

زلف سیاہ رقصاں ہے رخسار یار پر

نور سحر سے الجھا ہے تیرہ شبی کا رنگ

میری کتاب زیست کو تو دیکھ غور سے

پھیلا ہے ہر ورق پہ تری دل کشی کا رنگ

دیکھا جو میں نے خواب میں اس بت کو بے حجاب

اب تک ظفرؔ پہ چھایا ہے اک بے خودی کا رنگ

jab se basa hai dil mein tiri dil kashi ka rang

yak rang ho gaya hai miri zindagi ka rang

apnon ne barha mujhe ghurbat mein chhor kar

dekha hai kis khushi se miri be basi ka rang

khud aina mein dil ke mire jhank lijiye

ghairon se puchhiye na miri ashiqi ka rang

zulf-e-siyah raqsan hai rukhsar-e-yar par

nur-e-sahar se uljha hai tira shabi ka rang

meri kitab-e-zist ko to dekh ghaur se

phaila hai har waraq pe tiri dil kashi ka rang

dekha jo main ne khwab mein us but ko be hijab

ab tak zafar pe chhaya hai ik be khudi ka rang