غم فراق میں جاں لب پہ آئی ہے صاحب

غم فراق میں جاں لب پہ آئی ہے صاحب

یہی تو ساعت مشکل کشائی ہے صاحب

ستم جو ڈھاتے ہو عاشق پہ تم کو کون کہے

تمہارے ساتھ تو ساری خدائی ہے صاحب

بیان صدمۂ فرقت سے دم نکلتا ہے

نہ پوچھئے جو مصیبت اٹھائی ہے صاحب

ہزار چاہا پہ خنجر نہ چل سکا تم سے

رگ گلو بھی مری رنگ لائی ہے صاحب

ظفرؔ سے آپ کو شکوہ عجیب بات ہے یہ

رقیب کی یہ لگائی بجھائی ہے صاحب

gham-e-firaq mein jan lab pe ai hai sahab

yahi to saat mushkil kushai hai sahab

sitam jo dhate ho ashiq pe tum ko kaun kahe

tumhare sath to sari khudai hai sahab

bayan-e-sadma-e-furqat se dam nikalta hai

na puchhiye jo musibat uthai hai sahab

hazar chaha pe khanjar na chal saka tum se

rag-e-galo bhi miri rang lai hai sahab

zafar se ap ko shikwa ajib bat hai ye

raqib ki ye lagai bujhai hai sahab