عدم کے جانے والوں کو بلایا جا نہیں سکتا

عدم کے جانے والوں کو بلایا جا نہیں سکتا

کچھ ایسی نیند سوئے ہیں جگایا جا نہیں سکتا

ذرا سی بات پر اتنا نہ تم روٹھا کرو مجھ سے

مرا کچھ حال ہے ایسا بتایا جا نہیں سکتا

مرے ہی غم کدہ میں لٹ گئیں خوشیاں مرے دل کی

خوشی کا کوئی نغمہ آج گایا جا نہیں سکتا

جو اپنے مسلک و ایماں سے ہٹ کر جا رہا ہوگا

کجا منزل کہ اس سے کچھ بھی پایا جا نہیں سکتا

ظفرؔ کی کیفیت کو جان کر کیا کر سکو گے تم

وہ زخمی دل ہے اس کا کہ دکھایا جا نہیں سکتا

adam ke jane walon ko bulaya ja nahin sakta

kuchh aisi nind soe hain jagaya ja nahin sakta

zara si bat par itna na tum rutha karo mujh se

mira kuchh hal hai aisa bataya ja nahin sakta

mire hi gham kada mein lut gain khushiyan mire dil ki

khushi ka koi naghma aj gaya ja nahin sakta

jo apne maslak-o-iman se hat kar ja raha hoga

kuja manzil ke us se kuchh bhi paya ja nahin sakta

zafar ki kaifiyat ko jan kar kya kar sakoge tum

wo zakhmi dil hai us ka ke dikhaya ja nahin sakta