کبھی تو نظر کرم مجھ پہ خوب رو کرتے

کبھی تو نظر کرم مجھ پہ خوب رو کرتے

تمام عمر کٹی ان کی آرزو کرتے

خودی کو ٹھیس نہ لگتی لبوں کی جنبش سے

نگاہ ناز سے وہ مجھ سے گفتگو کرتے

چمن سے گزرا بہاروں کا قافلہ لیکن

ہم اپنے چاک گریباں کہاں رفو کرتے

ہمارے گھر جو کبھی جان ماہ رو آتا

تو اس کے قدموں پہ قربان آرزو کرتے

نگاہیں ان سے ملیں تب یہ جا کے ہم سمجھے

شباب یوں ہی گنوایا ہے جستجو کرتے

یہاں تو سوز تمنا میں آنکھ سوکھ چلی

رہی تمنا کہ اشکوں سے ہم وضو کرتے

ظفر بنا لو کسی کو بھی رازداں اپنا

تمام عمر کٹی دل سے گفتگو کرتے

kabhi to nazar karam mujh pe khub ru karte

tamam umr kati un ki arzu karte

khudi ko thes na lagti labon ki jumbish se

nigah-e-naz se wo mujh se guftugu karte

chaman se guzra baharon ka qafila lekin

ham apne chak-e-gareban kahan rafu karte

hamare ghar jo kabhi jan mah ru ata

to us ke qadmon pe qurban arzu karte

nigahen un se milen tab ye ja ke ham samjhe

shabab yun hi ganwaya hai justuju karte

yahan to soz-e-tamanna mein ankh sukh chali

rahi tamanna ke ashkon se ham wuzu karte

zafar bana lo kisi ko bhi razdan apna

tamam umr kati dil se guftugu karte