چشم تر پہ نقش ہے ان منظروں کا سلسلہ

چشم تر پہ نقش ہے ان منظروں کا سلسلہ

بڑھتے بڑھتے بڑھ گیا ہے فاصلوں کا سلسلہ

ہم سلامت کس طرح رہتے بھلا سچ بول کر

چار سو بکھرا پڑا تھا پتھروں کا سلسلہ

دل کی وحشت مانگتی ہے لا مکاں کی وسعتیں

اک نظر بھاتا نہیں مجھ کو گھروں کا سلسلہ

نیند کا احساس روشن قمقموں میں کھو گیا

آ بسا آنکھوں میں میرے رتجگوں کا سلسلہ

وہ انا کے خول میں تھا میں انا سے دور تھی

میرے اس کے درمیاں تھا الجھنوں کا سلسلہ

کیوں نظر آتی نہیں لوگوں کو اپنی صورتیں

دور تک پھیلا ہے جبکہ آئنوں کا سلسلہ

یاسمیںؔ جن سے میسر ہو تراوت آنکھ کو

دیکھنا ہے اب مجھے ایسی رتوں کا سلسلہ

chashm-e-tar pe naqsh hai in manzaron ka silsila

barhte barhte barh gaya hai faslon ka silsila

ham salamat kis tarah rahte bhala sach bol kar

char su bikhra para tha pattharon ka silsila

dil ki wahshat mangti hai la makan ki wusaten

ik nazar bhata nahin mujh ko gharon ka silsila

nind ka ehsas raushan qumqumon mein kho gaya

a basa ankhon mein mere ratjagon ka silsila

wo ana ke khol mein tha main ana se dur thi

mere us ke darmiyan tha uljhanon ka silsila

kyun nazar ati nahin logon ko apni suraten

dur tak phaila hai jabke ainon ka silsila

yasmin jin se muyassar ho tarawat ankh ko

dekhna hai ab mujhe aisi ruton ka silsila