ذہن و دل پر غموں کے سائے ہیں

ذہن و دل پر غموں کے سائے ہیں

جو تھے اپنے وہی پرائے ہیں

رنگ بھرنے کو جذب الفت کا

ہم نے خاکے کئی بنائے ہیں

راہ سے میں بھٹک نہیں سکتا

وقت نے رخ نئے دکھائے ہیں

آپ کے عشق میں یقیں کیجے

سیکڑوں رنج و غم اٹھائے ہیں

جن سے توہین تھی وفاؤں کی

راز سینے میں وہ چھپائے ہیں

آ گئی باغباں پہ ہر تہمت

آشیاں برق نے جلائے ہیں

لوگ کہتے ہیں سننے والوں نے

شعر عادلؔ کے گنگنائے ہیں

zehn-o-dil par ghamon ke sae hain

jo the apne wahi parae hain

rang bharne ko jazb-e-ulfat ka

ham ne khake kai banae hain

rah se main bhatak nahin sakta

waqt ne rukh nae dikhae hain

ap ke ishq mein yaqin kije

saikron ranj-o-gham uthae hain

jin se tauhin thi wafaon ki

raz sine mein wo chhupae hain

a gai baghban pe har tohmat

ashiyan barq ne jalae hain

log kahte hain sunne walon ne

sher adil ke gungunae hain