جو ہم پر ہوا ہے کرم دیکھنا

جو ہم پر ہوا ہے کرم دیکھنا

وہ ڈھائے گا کیا کیا ستم دیکھنا

میسر کہاں ہیں تن آسانیاں

مقدر میں لکھا ہے غم دیکھنا

ستم میرے دل پر کرم غیر پر

ذرا ان کا طرز عمل دیکھنا

خدا جانے یہ کیا مقام آ گیا

کہ مشکل ہے نقش قدم دیکھنا

یہی ماحصل ہے غم عشق کا

کہ اپنی ہی آنکھوں کو نم دیکھنا

اسے رنگ دنیا سے کیا واسطہ

جو چاہے نہ جاہ و حشم دیکھنا

جو کہتے ہیں عادلؔ کہ سب کچھ ہیں ہم

تو ان کو خدا کی قسم دیکھنا

jo ham par hua hai karam dekhna

wo dhaega kya kya sitam dekhna

muyassar kahan hain tan asaniyan

muqaddar mein likha hai gham dekhna

sitam mere dil par karam ghair par

zara un ka tarz-e-amal dekhna

khuda jane ye kya maqam a gaya

ke mushkil hai naqsh-e-qadam dekhna

yahi mahasal hai gham-e-ishq ka

ke apni hi ankhon ko nam dekhna

use rang duniya se kya wasta

jo chahe na jah-o-hasham dekhna

jo kahte hain adil ke sab kuchh hain ham

tu un ko khuda ki qasam dekhna