Arooz is now on the App Store, for iPhone and iPad. Download →

All poetry

وہ انساں در حقیقت صاحب کردار ہوتا ہے

Zafar Adil Quraishi (b. 1948)

وہ انساں در حقیقت صاحب کردار ہوتا ہے

کہ جس انساں کے دل میں جذبۂ ایثار ہوتا ہے

حسیں حسن عمل سے عشق کا دربار ہوتا ہے

محل خوابوں کا لغزش کے سبب مسمار ہوتا ہے

یہ سچ ہے بے سبب دیوانگی ہوتی نہیں یارو

شعور عشق بھی تو زیست کا آزار ہوتا ہے

یقیں کیجے نہیں کچھ فائدہ مضمون بندی سے

نظر ہو جس کی لغزش پر وہی فن کار ہوتا ہے

نگاہ و قلب ہو جاتے ہیں روشن یک بیک میرے

مجھے راہوں میں ان کا جب کبھی دیدار ہوتا ہے

چلو عادلؔ گلے شکوؤں کی تم بھی راہ کو چھوڑو

گلے شکوؤں کا غم بھی زیست کا آزار ہوتا ہے