دنیا سب آرام کرے ہے

دنیا سب آرام کرے ہے

قسمت اپنا کام کرے ہے

ذوق طلب میں دل دیوانہ

سجدے ہر ہر گام کرے ہے

یاس کا اک ہلکا سا جھونکا

ہر کوشش ناکام کرے ہے

پھولوں کا دم بھرنے والا

کانٹوں کو بدنام کرے ہے

ہنستے ہنستے کاٹ دے سب دن

رو رو کر کیوں شام کرے ہے

اپنی پڑی ہے ساقیؔ تجھ کو

مے کش فکر جام کرے ہے

duniya sab aram kare hai

qismat apna kam kare hai

zauq-e-talab mein dil diwana

sajde har har gam kare hai

yas ka ik halka sa jhonka

har koshish nakam kare hai

phulon ka dam bharne wala

kanton ko badnam kare hai

hanste hanste kat de sab din

ro ro kar kyun sham kare hai

apni pari hai saqi tujh ko

mai kash fikr jam kare hai