میری فکریں ہری بھری کرنا

میری فکریں ہری بھری کرنا

اس دسمبر کو جنوری کرنا

ہم کو آتا ہے بچ کے غیبت سے

بات منہ پہ کھری کھری کرنا

میرے اجداد فن کو راس آیا

بادشاہوں کی نوکری کرنا

ہم کتابوں کی فصل بوئیں گے

آپ لفظوں کی تسکری کرنا

اک تصور سہی مگر بچو

آرزوئے سکندری کرنا

جب مہکنے لگو گلوں کی طرح

پھر ہماری برابری کرنا

آخری میں ہوں اور میرے بعد

کس کو آیا پیمبری کرنا

meri fikren hari bhari karna

is disambar ko janwari karna

ham ko ata hai bach ke ghibat se

bat munh pe khari khari karna

mere ajdad fan ko ras aya

badshahon ki naukri karna

ham kitabon ki fasl boenge

ap lafzon ki tiskari karna

ik tasawwur sahi magar bachcho

arzu-e-sikandari karna

jab mahakne lago gulon ki tarah

phir hamari barabari karna

akhiri mein hun aur mere baad

kis ko aya payambari karna