کسی سے بھیک میں زاد سفر نہیں لیتا

کسی سے بھیک میں زاد سفر نہیں لیتا

میں چیخ چیخ کے داد ہنر نہیں لیتا

مرا نصیب ہے خانہ بدوشیاں میری

کہیں بھی جاؤں کرائے کا گھر نہیں لیتا

ہر ایک جنگ میں وہ کامیاب ہوتا ہے

ذہین ہاتھ میں تیغ و تبر نہیں لیتا

میں اپنی ضو سے اگاتا ہوں چاند اور تارے

ہوائیں لاکھ چلیں میں اثر نہیں لیتا

پتہ نہیں ہے کہ کس حال میں کہاں ہوں میں

کئی دنوں سے میں اپنی خبر نہیں لیتا

kisi se bhik mein zad-e-safar nahin leta

main chikh chikh ke dad-e-hunar nahin leta

mira nasib hai khana badoshiyan meri

kahin bhi jaun karae ka ghar nahin leta

har ek jang mein wo kamyab hota hai

zahin hath mein tegh-o-tabar nahin leta

main apni zau se ugata hun chand aur tare

hawaen lakh chalen mein asar nahin leta

pata nahin hai ke kis hal mein kahan hun main

kai dinon se main apni khabar nahin leta