ملا ہے وہ مجھے دل کی بدولت

ملا ہے وہ مجھے دل کی بدولت

یہ آسانی ہے مشکل کی بدولت

مجھے کچھ سیپیاں ہاتھ آ گئی ہیں

کسی خاموش ساحل کی بدولت

تجسس آرزو منزل بہ داماں

مری منزل ہے منزل کی بدولت

تلاوت میں طبیعت لگ رہی ہے

خدا کا شکر اک تل کی بدولت

در و دیوار زنداں جانتے ہیں

مجھے طوق و سلاسل کی بدولت

mila hai wo mujhe dil ki badaulat

ye asani hai mushkil ki badaulat

mujhe kuchh sipiyan hath a gai hain

kisi khamosh sahil ki badaulat

tajassus arzu manzil ba daman

miri manzil hai manzil ki badaulat

tilawat mein tabiat lag rahi hai

khuda ka shukr ik til ki badaulat

dar-o-diwar-e-zindan jante hain

mujhe tauq-o-salasil ki badaulat