منہ چھپائے ہوئے بھٹکے گی ہوا میرے بعد

منہ چھپائے ہوئے بھٹکے گی ہوا میرے بعد

ساز ہو جائے گی صحرا کی صدا میرے بعد

صاف آتے ہیں نظر جس میں سبھی کے چہرے

آئنے پر نہ رہے گی وہ جلا میرے بعد

بے لباسی ہی مقدر تھا مگر ہم نفسو

تن چھپانے کو ملی تم کو ردا میرے بعد

میرے الفاظ کو تعویذ بنا کر رکھ لو

ورنہ اٹھ جائے گی دنیا سے وفا میرے بعد

ساقیؔ اس آس پہ کچھ کہنے کی ہمت کی ہے

کاش دہرائے کوئی میرا کہا میرے بعد

munh chhupae hue bhatkegi hua mere baad

saz ho jaegi sahra ki sada mere baad

saf ate hain nazar jis mein sabhi ke chehre

aine par na rahegi wo jala mere baad

be libasi hi muqaddar tha magar ham nafaso

tan chhupane ko mili tum ko rida mere baad

mere alfaz ko taawiz bana kar rakh lo

warna uth jaegi duniya se wafa mere baad

saqi is as pe kuchh kahne ki himmat ki hai

kash dohrae koi mera kaha mere baad