اے خدا ضبط کے زنداں میں کوئی در کر دے

اے خدا ضبط کے زنداں میں کوئی در کر دے

یا اسے موم بنا یا مجھے پتھر کر دے

پر کئے ہیں جو عطا طاقت پرواز بھی دے

یا تو میں کھل کے اڑوں یا مجھے بے پر کر دے

سازشیں کرتے ہیں کیوں اپنے گھرانے والے

گھر دیا ہے تو مرے گھر کو مرا گھر کر دے

مجھ سے یہ کرب کا عالم نہیں دیکھا جاتا

حافظہ چھین لے آنکھیں مری پتھر کر دے

مرے حصے کا سکوں بانٹ دے انسانوں میں

درد سر سارے زمانے کا مرے سر کر دے

مجھ کو انسان اتارا ہے تو انسان بنا

بے زری میرا مقدر ہے تو بو زر کر دے

ai khuda zabt ke zindan mein koi dar kar de

ya use mom bana ya mujhe patthar kar de

par kiye hain jo ata taqat-e-parwaz bhi de

ya to main khul ke urun ya mujhe be par kar de

sazishen karte hain kyun apne gharane wale

ghar diya hai to mire ghar ko mira ghar kar de

mujh se ye karb ka alam nahin dekha jata

hafiza chhin le ankhen miri patthar kar de

mire hisse ka sakun bant de insanon mein

dard-e-sar sare zamane ka mire sar kar de

mujh ko insan utara hai to insan bana

be zari mera muqaddar hai to bu zar kar de