کبھی ملیں گے تو یہ قرض بھی اتاریں گے

کبھی ملیں گے تو یہ قرض بھی اتاریں گے

تمہارے چہرے کو پیروں تلک نہاریں گے

دوانے سر کو تری چوکھٹوں پہ ماریں گے

پر اپنا غصہ غزل پر نہیں اتاریں گے

بس ایک جان بچی ہے سو تجھ پہ واریں گے

ہم ایک جنگ تجھے جیتنے میں ہاریں گے

یہ کیا ستم کے کھلاڑی بدل دیا اس نے

ہم اس امید پہ بیٹھے تھے ہم ہی ہاریں گے

اے میری جان انہیں سچ کا تو پتہ ہے مگر

یہ لوگ تیرے ہیں پتھر مجھی کو ماریں گے

ہمارے بعد ترے عشق میں نئے لڑکے

بدن تو چومیں گے زلفیں نہیں سنواریں گے