کبھی ملیں گے تو یہ قرض بھی اتاریں گے

کبھی ملیں گے تو یہ قرض بھی اتاریں گے

تمہارے چہرے کو پیروں تلک نہاریں گے

دوانے سر کو تری چوکھٹوں پہ ماریں گے

پر اپنا غصہ غزل پر نہیں اتاریں گے

بس ایک جان بچی ہے سو تجھ پہ واریں گے

ہم ایک جنگ تجھے جیتنے میں ہاریں گے

یہ کیا ستم کے کھلاڑی بدل دیا اس نے

ہم اس امید پہ بیٹھے تھے ہم ہی ہاریں گے

اے میری جان انہیں سچ کا تو پتہ ہے مگر

یہ لوگ تیرے ہیں پتھر مجھی کو ماریں گے

ہمارے بعد ترے عشق میں نئے لڑکے

بدن تو چومیں گے زلفیں نہیں سنواریں گے

kabhi milenge to ye qarz bhi utarenge

tumhare chehre ko pairon talak niharenge

diwane sar ko tiri chaukhaton pe marenge

par apna ghussa ghazal par nahin utarenge

bas ek jan bachi hai so tujh pe warenge

ham ek jang tujhe jitne mein harenge

ye kya sitam ke khilari badal diya us ne

ham is umid pe baithe the ham hi harenge

ai meri jan unhen sach ka to pata hai magar

ye log tere hain patthar mujhi ko marenge

hamare baad tire ishq mein nae larke

badan to chumenge zulfen nahin sanwarenge