جب بھی جذبات کا طوفان آئے

جب بھی جذبات کا طوفان آئے

میرے الفاظ بہا کر لے جائے

دل کی دھڑکن پہ وہی خوب رہے

بند ہونٹوں نے جو نغمے گائے

کیا عجب ہے کہ خوشی ہو کہ ہو غم

آنکھ کا جام چھلک ہی جائے

دوپہر میں مرا سورج ڈوبا

ایسے مایوسی کے بادل چھائے

شعر کہتا ہے تو چھپوایا بھی کر

پر ارونؔ کون تجھے سمجھائے

jab bhi jazbat ka tufan ae

mere alfaz baha kar le jae

dil ki dharkan pe wahi khub rahe

band honton ne jo naghme gae

kya ajab hai ke khushi ho ke ho gham

ankh ka jam chhalak hi jae

dopahar mein mira suraj duba

aise mayusi ke badal chhae

sher kahta hai to chhupwaya bhi kar

par arwan kaun tujhe samjhae