ملن کی رات وہ پہلی نہیں ممکن بھلا پانا

ملن کی رات وہ پہلی نہیں ممکن بھلا پانا

مرا تیرے قریب آنا ترا خود میں سمٹ جانا

وہ پہلی شب میں پہلے تو جھجکنا اور شرمانا

مجھے ہے یاد پھر خود ہی ترا مجھ سے لپٹ جانا

وہ اکثر یاد آتا ہے ترا آغوش میں آنا

مجھے مدہوش کر کے پھر وہ چپکے سے چلے جانا

محبت میں نہیں خوبی یہ جو سمجھا رہے ہو تم

جب اپنے دل کو سمجھا لو مرے دل کو بھی سمجھانا

بہت نزدیک سے چہرہ بخوبی کب دکھائی دے

جسے گھر نے نہ پہچانا اسے دنیا نے پہچانا

milan ki rat wo pahli nahin mumkin bhala pana

mira tere qarib ana tira khud mein simat jana

wo pahli shab mein pahle to jhijakna aur sharmana

mujhe hai yad phir khud hi tira mujh se lipat jana

wo aksar yad ata hai tira aghosh mein ana

mujhe madhosh kar ke phir wo chupke se chale jana

mohabbat mein nahin khubi ye jo samjha rahe ho tum

jab apne dil ko samjha lo mire dil ko bhi samjhana

bahut nazdik se chehra bakhubi kab dikhai de

jise ghar ne na pahchana use duniya ne pahchana