کرم نہیں تو ستم ہی سہی روا رکھنا

کرم نہیں تو ستم ہی سہی روا رکھنا

تعلقات وہ جیسے بھی ہوں سدا رکھنا

کچھ اس طرح کی ہدایت ملی ہے اب کے مجھے

کہ سر پہ قہر بھی ٹوٹیں تو دل بڑا رکھنا

نہ آنسوؤں کی رواں نہر آنکھ سے کرنا

اب اس کی یاد بھی آئے تو حوصلہ رکھنا

کسے ملا ہے ملے گا کسے مراد کا پھل

سو غائبانہ نوازش کی آس کیا رکھنا

عجب نہیں کہ ورود حبیب ہو جائے

زمانہ تنگ نظر ہے تو دل کھلا رکھنا

جو دوستی کے لئے بے قرار رہتا ہے

وہ کوئی چال نہ چل جائے پھر پتا رکھنا

ستارہ عرش سے ٹوٹے گا ایک فرش کی سمت

تم اپنا گھر در و دیوار تک سجا رکھنا

وفا شعار بھی قدرت تھا روٹھنے والا

روایتاً بھی نہ نام اس کا بے وفا رکھنا

karam nahin to sitam hi sahi rawa rakhna

taalluqat wo jaise bhi hun sada rakhna

kuchh is tarah ki hidayat mili hai ab ke mujhe

ke sar pe qahr bhi tuten to dil bara rakhna

na ansuon ki rawan nahr ankh se karna

ab us ki yad bhi ae to hausla rakhna

kise mila hai milega kise murad ka phal

so ghaibana nawazish ki as kya rakhna

ajab nahin ke warod-e-habib ho jae

zamana tang nazar hai to dil khula rakhna

jo dosti ke liye be qarar rahta hai

wo koi chal na chal jae phir pata rakhna

sitara arsh se tutega ek farsh ki samt

tum apna ghar dar-o-diwar tak saja rakhna

wafa shiar bhi qudrat tha ruthne wala

riwayatan bhi na nam us ka be wafa rakhna