ٹوٹے آئینے کو کیا گھر میں سجانا اچھا

ٹوٹے آئینے کو کیا گھر میں سجانا اچھا

روح کے گھاؤ کو دنیا سے چھپانا اچھا

ان سے کہہ دو کہ ہمیں اب نہ ستانا اچھا

جو تعلق سزا بن جائے مٹانا اچھا

فیصلہ دل سے کرو ساتھ جو چلنا ہے مرے

سر کو اقرار میں بس تم نہ ہلانا اچھا

دیجئے عمر درازی کی دعائیں نہ مجھے

خار سے دامن دل جلدی چھڑانا اچھا

خاک الفت کو لیے سر پہ کیوں گلشن میں رہوں

دل میں وحشت ہو تو صحرا میں ہی جانا اچھا

رشتۂ خواب سے کب خود کو جدا کر پائی

شب گزرنے کا یہی اک ہے بہانا اچھا

تیغ گردن پہ تھی یوں شاہ کی تعریف کری

کتنا مشکل تھا برائی کو بتانا اچھا

دل بیمار کو پھر اذن سفر کیا دیتی

ایک معذور کو اب کتنا بھگانا اچھا

جب تلک پڑھنے کے قابل رہا وہ خط رکھا

جس کی تحریر مٹے اس کو جلانا اچھا

وہ تبسمؔ کو بھلا بیٹھا تمہیں کیسے خبر

مجھ کو افواہ میں بھی سچ ہی سنانا اچھا

تن مضروب لیے بزم میں مسکاتی رہی

گھر کی عزت کے لیے سب تھا دکھانا اچھا

tute aine ko kya ghar mein sajana achchha

ruh ke ghao ko duniya se chhupana achchha

un se kah do ke hamen ab na satana achchha

jo taalluq saza ban jae mitana achchha

faisla dil se karo sath jo chalna hai mire

sar ko iqrar mein bas tum na hilana achchha

dijiye umr darazi ki duaen na mujhe

khar se daman-e-dil jaldi chhurana achchha

khak ulfat ko liye sar pe kyun gulshan mein rahun

dil mein wahshat ho to sahra mein hi jana achchha

rishta-e-khwab se kab khud ko juda kar pai

shab guzarne ka yahi ik hai bahana achchha

tegh-e-gardan pe thi yun shah ki taarif kari

kitna mushkil tha burai ko batana achchha

dil-e-bimar ko phir izn-e-safar kya deti

ek maazur ko ab kitna bhagana achchha

jab talak parhne ke qabil raha wo khat rakha

jis ki tahrir mite us ko jalana achchha

wo tabassum ko bhula baitha tumhen kaise khabar

mujh ko afwah mein bhi sach hi sunana achchha

tan-e-mazriob liye bazm mein muskati rahi

ghar ki izzat ke liye sab tha dikhana achchha