آنکھوں میں لے کے یاس مجھے دیکھنے تو دے

آنکھوں میں لے کے یاس مجھے دیکھنے تو دے

کون آ رہا ہے پاس مجھے دیکھنے تو دے

دیکھے گا کون خاک میں جوہر چھپے ہوئے

اے شہر نا شناس مجھے دیکھنے تو دے

یہ کون محو رقص ہے یوں آبلوں کے ساتھ

دشت آیا کس کو راس مجھے دیکھنے تو دے

لب کھولتا نہیں نہ سہی آنکھ تو ملا

تو خوش ہے یا اداس مجھے دیکھنے تو دے

لاشوں میں ایک لاش سے اٹھنے لگی ہے کیوں

پھولوں کے جیسی باس مجھے دیکھنے تو دے

میں ڈوب تو رہی ہوں مگر جانب کنار

جب تک بندھی ہے آس مجھے دیکھنے تو دے

کیا ہے خمار حسن سے بڑھ کر کوئی نشہ

یہ مے ہے یہ گلاس مجھے دیکھنے تو دے

پھر کون رو رہا ہے کنارے فرات کے

ہونٹوں پہ لے کے پیاس مجھے دیکھنے تو دے

یوں تو جہاں شناس تبسمؔ ہر ایک ہے

ہے کوئی خود شناس مجھے دیکھنے تو دے

ankhon mein le ke yas mujhe dekhne to de

kaun a raha hai pas mujhe dekhne to de

dekhega kaun khak mein jauhar chhupe hue

ai shahr na shanas mujhe dekhne to de

ye kaun mahw-e-raqs hai yun ablon ke sath

dasht aya kis ko ras mujhe dekhne to de

lab kholta nahin na sahi ankh to mila

tu khush hai ya udas mujhe dekhne to de

lashon mein ek lash se uthne lagi hai kyun

phulon ke jaisi bas mujhe dekhne to de

main dub to rahi hun magar janib-e-kanar

jab tak bandhi hai as mujhe dekhne to de

kya hai khumar husn se barh kar koi nasha

ye mai hai ye gilas mujhe dekhne to de

phir kaun ro raha hai kinare furat ke

honton pe le ke pyas mujhe dekhne to de

yun to jahan shanas tabassum har ek hai

hai koi khud shanas mujhe dekhne to de