کسی بھی در کی سوالی نہیں رہی ہوگی

کسی بھی در کی سوالی نہیں رہی ہوگی

جھکی جو عشق کے در پر جبیں رہی ہوگی

وگرنہ ترک وفا سہل اس قدر تھا کہاں

کمی مجھی میں یقیناً کہیں رہی ہوگی

جو گور عقل میں کی دفن آرزو تم نے

تمہارے دل میں کبھی جاگزیں رہی ہوگی

وہ جن کے سر سے اٹھا آسمان کا سایہ

کب ان کے پاؤں کے نیچے زمیں رہی ہوگی

ابھی تو گریہ کناں ہیں کھنڈر کی دیواریں

گئے دنوں میں حویلی حسیں رہی ہوگی

ترے جہاں سے نکل کر بھی ہم کہاں نکلے

ہماری یاد تری ہم نشیں رہی ہوگی

تبھی تو اس نے تبسمؔ کی بندگی کی ہے

رگ گلو سے بھی بڑھ کر قریں رہی ہوگی

kisi bhi dar ki sawali nahin rahi hogi

jhuki jo ishq ke dar par jabin rahi hogi

wagarna tark-e-wafa sahl is qadar tha kahan

kami mujhi mein yaqinan kahin rahi hogi

jo gor aql mein ki dafn arzu tum ne

tumhare dil mein kabhi jaguzin rahi hogi

wo jin ke sar se utha asman ka saya

kab un ke paon ke niche zamin rahi hogi

abhi to girya kunan hain khandar ki diwaren

gae dinon mein haweli hasin rahi hogi

tire jahan se nikal kar bhi ham kahan nikle

hamari yad tiri ham nashin rahi hogi

tabhi to us ne tabassum ki bandagi ki hai

rag-e-galo se bhi barh kar qarin rahi hogi