وہ کم آمیز مجھ سے ہم سخن ہونے لگا ہے

وہ کم آمیز مجھ سے ہم سخن ہونے لگا ہے

بہ یک لحظہ یہ دشت دل چمن ہونے لگا ہے

سہولت سے وہ پڑھتا جا رہا ہے ذہن میرا

بدن سوچوں کا پھر بے پیرہن ہونے لگا ہے

مری تنہائی اور وحشت میں پھر سے ٹھن گئی ہے

یوں لگتا ہے کوئی گھمسان رن ہونے لگا ہے

عطا کیجے مرے مرشد مجھے کوئی وظیفہ

مرا دل پھر سے دنیا میں مگن ہونے لگا ہے

یہ روحوں کے ملن کی کر نہ دے مسدود راہیں

کہ حائل اس ملن میں اب بدن ہونے لگا ہے

پکڑ ہی لی جڑیں الفت نے آخر اس زمیں میں

دیار غیر اب میرا وطن ہونے لگا ہے

بٹھا رکھے ہیں اس نے مجھ پہ یوں نادیدہ پہرے

کھلا ماحول بھی من کی گھٹن ہونے لگا ہے

مرے طرز تکلم میں تھا جو بے ساختہ پن

وہی میرے سخن کا بانکپن ہونے لگا ہے

جہاں تیاگا تبسمؔ جس کو اپنانے کی خاطر

اسی سے اب بچھڑنے کا جتن ہونے لگا ہے

wo kam amez mujh se ham sukhan hone laga hai

ba yak lahza ye dasht-e-dil chaman hone laga hai

suhulat se wo parhta ja raha hai zehn mera

badan sochon ka phir be pairahan hone laga hai

miri tanhai aur wahshat mein phir se than gai hai

yun lagta hai koi ghumsan ran hone laga hai

ata kije mire murshid mujhe koi wazifa

mira dil phir se duniya mein magan hone laga hai

ye ruhon ke milan ki kar na de masdud rahen

ke hail is milan mein ab badan hone laga hai

pakar hi li juren ulfat ne akhir is zamin mein

dayar-e-ghair ab mera watan hone laga hai

bitha rakhe hain us ne mujh pe yun nadida pahre

khula mahaul bhi man ki ghutan hone laga hai

mire tarz-e-takallum mein tha jo be sakhta pan

wahi mere sukhan ka bankpan hone laga hai

jahan tiyaga tabassum jis ko apnane ki khatir

usi se ab bichharne ka jatan hone laga hai