خنجر نے ہی چھوڑا تھا نہ مرنے میں گماں اور

خنجر نے ہی چھوڑا تھا نہ مرنے میں گماں اور

کیوں لائے مرے قتل کو وہ تیر و کماں اور

کم ظرف کبھی جوش محبت میں لبوں پر

کرتے ہیں حماقت تو ابھرتا ہے نشاں اور

بے خوف و خطر آ کے جہاں سوتے ہوں ڈنگر

کیا میرے مکاں سا ہے کوئی خستہ مکاں اور

ڈاکٹر نے کہا منہ میں مرے آلا لگا کر

آں آں سے میاں کیجئے باہر کو زباں اور

ہم بھی تو ذرا دیکھیں بہت کہتے ہیں غالبؔ

لے آئیں گے بازار سے جا کر دل و جاں اور

ہیں اور بھی دنیا میں ہزل گو بہت اچھے

کہتے ہیں کہ ہے رازؔ کا انداز بیاں اور

khanjar ne hi chhora tha na marne mein guman aur

kyun lae mire qatl ko wo tir-o-kaman aur

kam zarf kabhi josh-e-mohabbat mein labon par

karte hain himaqat to ubharta hai nishan aur

be khauf-o-khatar a ke jahan sote hun dangar

kya mere makan sa hai koi khasta makan aur

daktar ne kaha munh mein mire ala laga kar

an an se miyan kijiye bahar ko zaban aur

ham bhi to zara dekhen bahut kahte hain ghalib

le aenge bazar se ja kar dil-o-jan aur

hain aur bhi duniya mein hazal go bahut achchhe

kahte hain ke hai raz ka andaz-e-bayan aur