غالبؔ کی ہر زمیں میں خرافات چاہئے

غالبؔ کی ہر زمیں میں خرافات چاہئے

تخریب کچھ تو بہر ملاقات چاہئے

چوروں کو بور کیجے نہ ایسے خلوص سے

دن کا وہ کیا کریں گے انہیں رات چاہئے

جو کچھ بھی آپ چاہیں گے مل جائے گا حضور

بس منتری سے تھوڑی ملاقات چاہئے

انسانیت کو لوٹنے والوں کا ہے علاج

ایسے حرام خوروں کو بس لات چاہئے

گر چاہتے ہیں آپ کہ مجنوں سا عشق ہو

پتھر بھی سر پہ کھانے کی اوقات چاہئے

شادی ہے اک یتیم کی خوشیوں کو بانٹنے

اک ناچتی کرائے پہ بارات چاہئے

مذہب کے اور سیکس کے بزنس کے واسطے

سنتوں سی سادھوؤں سی کرامات چاہئے

ان قیدیوں کے جرم کی تفصیل کے لئے

مجھ کو بھی چند روز حوالات چاہئے

جن کو خدا کی ذات سے کچھ انحراف ہے

استاد ایسے لوگوں کا بد ذات چاہئے

پانی کے دیوتا سے مری ہے یہی دعا

دلبر نہ لوٹ پائے وہ برسات چاہئے

اک بوسہ ہم کو دے دو محبت کے نام پر

ہم حسن کے فقیر ہیں خیرات چاہئے

لعنت ہے تم پہ رازؔ کہ ننگی ہی لے چلے

کاغذ میں لپٹی آپ کی سوغات چاہئے

ghalib ki har zamin mein khurafat chahiye

takhrib kuchh to bahr-e-mulaqat chahiye

choron ko baur kije na aise khulus se

din ka wo kya karenge unhen rat chahiye

jo kuchh bhi ap chahenge mil jaega huzur

bas mantari se thori mulaqat chahiye

insaniyat ko lautne walon ka hai ilaj

aise haram khuron ko bas lat chahiye

gar chahte hain ap ke majnun sa ishq ho

patthar bhi sar pe khane ki auqat chahiye

shadi hai ik yatim ki khushiyon ko bantne

ik nachti karae pe barat chahiye

mazhab ke aur saiks ke biznis ke waste

santon si sadhuon si karamat chahiye

in qaidiyon ke jurm ki tafsil ke liye

mujh ko bhi chand roz hawalat chahiye

jin ko khuda ki zat se kuchh inhiraf hai

ustad aise logon ka bad zat chahiye

pani ke dewta se miri hai yahi dua

dilbar na laut pae wo barsat chahiye

ik bosa ham ko de do mohabbat ke nam par

ham husn ke faqir hain khairat chahiye

laanat hai tum pe raz ke nangi hi le chale

kaghaz mein lipti ap ki saughat chahiye