فیض معمور فضاؤں سے لپٹ کر رو لیں

فیض معمور فضاؤں سے لپٹ کر رو لیں

پھر مدینے کی ہواؤں سے لپٹ کر رو لیں

وقت رخصت دل مضطر کی تمنا تھی یہی

آپ کے در کے گداؤں سے لپٹ کر رو لیں

ابر چھایا ہے ہوائیں ہیں مدینے سے ہیں دور

جی تڑپتا ہے گھٹاؤں سے لپٹ کر رو لیں

حشر میں ان کے سبب وہ متوجہ ہوں گے

کیوں نہ ہم اپنی خطاؤں سے لپٹ کر رو لیں

ہم سے بہتر ہیں کہ ان تک یہ پہنچ جاتی ہیں

انہی خوش بخت دعاؤں سے لپٹ کر رو لیں

کربلا ہی کے تصور سے یہ آتا ہے خیال

دہر کی ساری بلاؤں سے لپٹ کر رو لیں

قدرداں ان کے ہیں جب وہ شہہ خوبان جہاں

تہنیتؔ اپنی وفاؤں سے لپٹ کر رو لیں

faiz maamur fazaon se lipat kar ro len

phir madine ki hawaon se lipat kar ro len

waqt-e-rukhsat dil-e-muztar ki tamanna thi yahi

ap ke dar ke gadaon se lipat kar ro len

abr chhaya hai hawaen hain madine se hain dur

ji tarapta hai ghataon se lipat kar ro len

hashr mein un ke sabab wo matawajjeh honge

kyun na ham apni khataon se lipat kar ro len

ham se behtar hain ke un tak ye pahunch jati hain

unhi khush bakht duaon se lipat kar ro len

karbala hi ke tasawwur se ye ata hai khayal

dahr ki sari balaon se lipat kar ro len

qadardan un ke hain jab wo shah khuban-e-jahan

tahniyat apni wafaon se lipat kar ro len