درماندگوں کی آنکھ سے آنسو جو ڈھل گئے

درماندگوں کی آنکھ سے آنسو جو ڈھل گئے

چشمے کسی کے لطف و کرم کے ابل گئے

ڈالی جو اس نے ایک اچٹتی ہوئی نظر

خستہ دلان راہ محبت بہل گئے

ہم اور بارگاہ رسالت پناہ میں

مارے خوشی کے آنکھ سے آنسو نکل گئے

پہنچے جو ہم دیار مدینہ میں سر کے بل

سب اپنے اگلے پچھلے تصور بدل گئے

پھر ہم تھے اور روضۂ اقدس کی جالیاں

ارمان کیا بتاؤں کہ کیا کیا مچل گئے

قرب حضور دھونے لگا دل کے سب عیوب

باطل تصورات تھے جتنے پگھل گئے

نازاں ہے تہنیتؔ کرم کردگار پر

بہکے جو تھے نصیب وہ آخر سنبھل گئے

diramandigon ki ankh se ansu jo dhal gae

chashme kisi ke lutf-o-karam ke ubal gae

dali jo us ne ek achtati hui nazar

khasta dilin rah-e-mohabbat bahal gae

ham aur bargah-e-risalat panah mein

mare khushi ke ankh se ansu nikal gae

pahunche jo ham dayar madina mein sar ke bal

sab apne agle pichhle tasawwur badal gae

phir ham the aur rauza-e-aqdas ki jaliyan

arman kya bataun ke kya kya machal gae

qurb-e-huzur dhone laga dil ke sab ayub

batil tasawwurat the jitne pighal gae

nazan hai tahniyat karam-e-kirdagar par

bahke jo the nasib wo akhir sambhal gae