چمن میں گزری کہ صحرا کے درمیاں گزری

چمن میں گزری کہ صحرا کے درمیاں گزری

تمہاری یاد سے خالی مگر کہاں گزری

فسانہ عمر دو روزہ کا مختصر یہ ہے

حرم سے دور جو گزری بہت گراں گزری

حیات یوں تو گزر ہی گئی گزرنی تھی

تمہارے شوق میں لیکن نہ رائیگاں گزری

کھلا ہے غنچۂ دل ہر غریب و بے کس کا

نسیم کوئے مدینہ جہاں جہاں گزری

اسے نصیب ہوئی نعمت ولائے نبی

جہاں سے تہنیتؔ اس طرح شادماں گزری

chaman mein guzri ke sahra ke darmiyan guzri

tumhari yad se khali magar kahan guzri

fasana umr do roza ka mukhtasar ye hai

haram se dur jo guzri bahut giran guzri

hayat yun to guzar hi gai guzarni thi

tumhare shauq mein lekin na raigan guzri

khula hai ghuncha-e-dil har gharib-o-be kis ka

nasim-e-ku-e-madina jahan jahan guzri

use nasib hui nemat-e-walae nabi

jahan se tahniyat is tarah shadman guzri