اروشی آسماں سے آ جائے

اروشی آسماں سے آ جائے

کوئی ارجن سا روپ دکھلائے

کوئی بس جائے جو تصور میں

موت بھی زندگی سے شرمائے

چاند بکھرا رہا ہے کرنوں کو

کون آتا ہے سر کو نہوڑائے

بادلوں کے سجیلے ڈولے پر

کوئی دلہن پیا کے گھر جائے

کوئی پھر دل میں چٹکیاں لے لے

کوئی پھر من کو آ کے بہلائے

arwashi asman se a jae

koi arjin sa rup dikhlae

koi bas jae jo tasawwur mein

maut bhi zindagi se sharmae

chand bikhra raha hai kirnon ko

kaun ata hai sar ko nihorae

badalon ke sajile dole par

koi dulhan piya ke ghar jae

koi phir dil mein chutkiyan le le

koi phir man ko a ke bahlae