غم کی کالی رات کو یوں حل کیا

غم کی کالی رات کو یوں حل کیا

ہم نے آخر درد کو کاجل کیا

سرمئی ریشم پہ تھا تاروں کا جال

کتنا پیارا رات کا آنچل کیا

میرے اندر پھیلتا جاتا تھا جو

طے بڑی مشکل سے وہ جنگل کیا

ہم نے یوں ہنس کر گزاری زندگی

اپنی ہر زنجیر کو پائل کیا

رابطہ خوشبو سے رکھا استوار

روح میں جلتا ہوا صندل کیا

gham ki kali rat ko yun hal kiya

ham ne akhir dard ko kajal kiya

surmai resham pe tha taron ka jal

kitna pyara rat ka anchal kya

mere andar phailta jata tha jo

tai bari mushkil se wo jangal kiya

ham ne yun hans kar guzari zindagi

apni har zanjir ko pail kiya

rabta khushbu se rakha ustuwar

ruh mein jalta hua sandal kiya