ہم آج خود کو تمہارا غلام کرتے ہیں

ہم آج خود کو تمہارا غلام کرتے ہیں

ہر ایک سانس تمہارے ہی نام کرتے ہیں

سکھا گئی ہیں ادب ڈالیاں شجر کی ہمیں

لو ہم جبیں کو جھکا کر سلام کرتے ہیں

جنہیں ہے فکر یہاں پہ غریب لوگوں کی

وہ ہی غریبوں کا جینا حرام کرتے ہیں

سرائے میں نہ رکیں گے نہ کسی بستی میں

ہم عشق والے ہیں دل میں قیام کرتے ہیں

قفس کی قید سے اپنی رہائی کی ہر دم

گزارشیں یہ پرندے تمام کرتے ہیں

انہیں نے جیتی ہیں بازی بڑی بڑی سارقؔ

وہی جو کچھوے کے جیسے خرام کرتے ہیں

ham aj khud ko tumhara ghulam karte hain

har ek sans tumhare hi nam karte hain

sikha gai hain adab daliyan shajar ki hamen

lo ham jabin ko jhuka kar salam karte hain

jinhen hai fikr yahan pe gharib logon ki

wo hi gharibon ka jina haram karte hain

sarae mein na rukenge na kisi basti mein

ham ishq wale hain dil mein qayam karte hain

qafas ki qaid se apni rihai ki har dam

guzarishen ye parinde tamam karte hain

unhen ne jiti hain bazi bari bari sariq

wahi jo kachhwe ke jaise khiram karte hain