عشق میں ہارا ہوا ہوں کامرانی کچھ نہیں

عشق میں ہارا ہوا ہوں کامرانی کچھ نہیں

میرے حصہ میں صنم کی مہربانی کچھ نہیں

چھوڑ کر تتلی گئی ہے جب سے دل کے باغ کو

دل میں بس ویرانیاں ہیں رت سہانی کچھ نہیں

کشتی سے بچھڑا جو دریا اب تلک صدمے میں ہے

جم گئی ہے برف اس میں اور روانی کچھ نہیں

آئنے کو حیرتیں ہیں حال میرا دیکھ کر

داغ چہرے پہ ہے میرے نوجوانی کچھ نہیں

خط جلائے میں نے سارے جو دئیے تھے یار نے

پاس میرے اس کی صاحب اب نشانی کچھ نہیں

خلوتوں کے سائے میں ہوں یار اک مدت سے میں

چار سو ہے بس اداسی شادمانی کچھ نہیں

ڈاکیا ہی تھے کبوتر پہلے موبائل نہ تھا

باتیں ساری خط سے کی تھیں منہ زبانی کچھ نہیں

بن ترے کیسے کہوں اب کس طرح بتلاؤں میں

سانس چلتی ہے فقط یہ زندگانی کچھ نہیں

مدتیں گزری ہیں سارقؔ یار کو دیکھے ہوئے

کیا کریں لب سے بیاں اب خوش بیانی کچھ نہیں

ishq mein hara hua hun kamrani kuchh nahin

mere hissa mein sanam ki mehrbani kuchh nahin

chhor kar titli gai hai jab se dil ke bagh ko

dil mein bas wiraniyan hain rut suhani kuchh nahin

kashti se bichhra jo dariya ab talak sadme mein hai

jam gai hai barf is mein aur rawani kuchh nahin

aine ko hairaten hain hal mera dekh kar

dagh chehre pe hai mere naujawani kuchh nahin

khat jalae main ne sare jo diye the yar ne

pas mere us ki sahab ab nishani kuchh nahin

khalwaton ke sae mein hun yar ik muddat se main

char su hai bas udasi shadmani kuchh nahin

dakiya hi the kabutar pahle mobail na tha

baten sari khat se ki thin munh zabani kuchh nahin

bin tire kaise kahun ab kis tarah batlaun mein

sans chalti hai faqat ye zindagani kuchh nahin

muddaten guzri hain sariq yar ko dekhe hue

kya karen lab se bayan ab khush bayani kuchh nahin