اس زمانے کے فریبوں سے بچا کوئی نہ تھا

اس زمانے کے فریبوں سے بچا کوئی نہ تھا

منزلیں تھیں سامنے پر راستہ کوئی نہ تھا

زندگی میں جو ملے اچھے لگے اپنے لگے

میں تو سب کا ہو گیا لیکن مرا کوئی نہ تھا

کس قدر بچ کر چلا میں کتنا آہستہ چلا

مڑ کے جب دیکھا تو اپنا نقش پا کوئی نہ تھا

غم سے سب ہارے ہوئے تھے زندگی کی دوڑ میں

سورما بھی تھے مگر جیتا ہوا کوئی نہ تھا

رات کچھ ایسا لگا جیسے سحر سی ہو گئی

اک دیا بس جل رہا تھا بولتا کوئی نہ تھا

رازؔ تھے احباب اپنے دوست اور محبوب بھی

جو نبھاتا ایک رشتہ درد کا کوئی نہ تھا

is zamane ke farebon se bacha koi na tha

manzilen thin samne par rasta koi na tha

zindagi mein jo mile achchhe lage apne lage

main to sab ka ho gaya lekin mira koi na tha

kis qadar bach kar chala mein kitna ahista chala

mur ke jab dekha to apna naqsh-e-pa koi na tha

gham se sab hare hue the zindagi ki daur mein

surma bhi the magar jita hua koi na tha

rat kuchh aisa laga jaise sahar si ho gai

ik diya bas jal raha tha bolta koi na tha

raz the ahbab apne dost aur mahbub bhi

jo nibhata ek rishta dard ka koi na tha