درد ہوگا تو کیا برا ہوگا

درد ہوگا تو کیا برا ہوگا

عشق کا قرض کچھ ادا ہوگا

خون سے جو خطوط لکھتا تھا

ہاں وہی بے وفا بنا ہوگا

گر عنایت کسی نے کی تجھ پر

اس میں اس کا ہی کچھ بھلا ہوگا

پھر یقیناً کوئی جفا ہوگی

اس کا وعدہ اگر وفا ہوگا

آج لگتا ہے سب ہمارے ہیں

کل ہمارا کسے پتہ ہوگا

درد بنیاد زندگی ہے رازؔ

اس پہ کیسے محل کھڑا ہوگا

dard hoga to kya bura hoga

ishq ka qarz kuchh ada hoga

khun se jo khutut likhta tha

han wahi be wafa bana hoga

gar inayat kisi ne ki tujh par

is mein us ka hi kuchh bhala hoga

phir yaqinan koi jafa hogi

us ka waada agar wafa hoga

aj lagta hai sab hamare hain

kal hamara kise pata hoga

dard buniyad zindagi hai raz

us pe kaise mahal khara hoga