یہ کائنات ہے کیا دشت کیا مکاں کیا ہے

یہ کائنات ہے کیا دشت کیا مکاں کیا ہے

بس ایک جذبۂ تخلیق ہے جہاں کیا ہے

خدا نے دیکھ کے تاب تجسس انساں

نظر پہ حد سی لگا دی ہے آسماں کیا ہے

گلا کے چھوڑے گا ہر شے کو وقت کا تیزاب

سوائے نور خدا اور جاوداں کیا ہے

بس ایک غیب کی تلوار یہ خدائی ہے

پھر اس کے سامنے فریاد کیا فغاں کیا ہے

غم جہاں کا فسانہ بہت طویل ہے دوست

ہماری ایک شب غم کی داستاں کیا ہے

بچا ہی کیا ہے ترے پاس بک گیا سب کچھ

بڑھا لے رازؔ کہ خالی ہے یہ دکاں کیا ہے

ye kainat hai kya dasht kya makan kya hai

bas ek jazba-e-takhliq hai jahan kya hai

khuda ne dekh ke tab-e-tajassus-e-insan

nazar pe had si laga di hai asman kya hai

gila ke chhorega har shai ko waqt ka tezab

siwae nur-e-khuda aur jawedan kya hai

bas ek ghaib ki talwar ye khudai hai

phir us ke samne fariyad kya fughan kya hai

gham jahan ka fasana bahut tawil hai dost

hamari ek shab-e-gham ki dastan kya hai

bacha hi kya hai tire pas bik gaya sab kuchh

barha le raz ke khali hai ye dukan kya hai