ساتھ کب تک نبھائے تنہائی

ساتھ کب تک نبھائے تنہائی

وہ نہ آئے نہ موت ہی آئی

عشق اک روز مہربان ہوا

مل گئی عمر بھر کی رسوائی

بے وفائی جو کر رہے تھے وہی

آج کہتے ہیں ہم کو ہرجائی

ہم نے کوشش تو کی بہت لیکن

وہ جو تھی بات پھر نہ بن پائی

اب تو خود سے بھی مل نہیں پاتے

جب سے ان سے ہوئی شناسائی

آج وہ بھی تو بن گئے دشمن

رازؔ بنتے تھے جو سگے بھائی

sath kab tak nibhae tanhai

wo na ae na maut hi ai

ishq ik roz mehrban hua

mil gai umr bhar ki ruswai

be wafai jo kar rahe the wahi

aj kahte hain ham ko harjai

ham ne koshish to ki bahut lekin

wo jo thi bat phir na ban pai

ab to khud se bhi mil nahin pate

jab se un se hui shanasai

aj wo bhi to ban gae dushman

raz bante the jo sage bhai