اس بت سے جو ملنے کی تدبیر نظر آئی

اس بت سے جو ملنے کی تدبیر نظر آئی

بنتی ہوئی کچھ اپنی تقدیر نظر آئی

چھپ چھپ کے زمانے سے کیوں اشک روانی ہے

شاید کہ محبت میں تاثیر نظر آئی

جینے کا مزہ کیا ہے جب موت ہی روٹھی ہو

جس سمت قدم اٹھے زنجیر نظر آئی

جب عالم وحشت میں اپنے کو بھلا بیٹھا

انجام محبت کی تقصیر نظر آئی

پیمانہ و مینا کی صورت میں رئیسؔ آخر

ٹوٹی ہوئی توبہ کی تصویر نظر آئی

us but se jo milne ki tadbir nazar ai

banti hui kuchh apni taqdir nazar ai

chhup chhup ke zamane se kyun ashk rawani hai

shayad ke mohabbat mein tasir nazar ai

jine ka maza kya hai jab maut hi ruthi ho

jis samt qadam uthe zanjir nazar ai

jab alam wahshat main apne ko bhula baitha

anjam-e-mohabbat ki taqsir nazar ai

paimana-o-mina ki surat mein rais akhir

tuti hui tauba ki taswir nazar ai